COMEZO DO CURSO

O novo curso xa comezou e xa percibimos que as nenas e os nenos do colexio de Centieiras cargaron as pilas no verán.

Un ano máis tentaremos achegar dende este espacio todas as novas que sucedan no noso centro.

Ante as moitas preguntas recibidas sobre o tema da Gripe A, remitímosvos á información que se aporta dende a Consellería de educación sobre o protocolo de actuación (só tedes que pinchar sobre o seguinte enlace):
Protocolo de actuación sobre a Gripe A

SEMANA DO LIBRO

En abril, o día do libro transformuose no CEIP de Centieiras en Semana de libro. Houbo multitude de actividades: contacontos, alumnado dos cursos maiores lendo libros aos máis pequenos, recortes de comics na prensa, ...

O comic foi o grande tema que nos xuntou nestas actividades e outras moitas durante o curso.

As fotografías corresponden ao aspecto da entrada do cole nesa semana.

MÁIS VISITAS

O alcalde de Fene Iván Puentes e, o daquela delegado de educación José Manuel Mouriz, viñeron a contar un conto aos nenos e nenas de educación infantil.

Quedou demostrado que o cargo non foi suficiente para librarse das preguntas do noso curioso alumando.

TESOUROS DO DÍA DA ÁRBORE

As nenas e os nenos de terceiro curso recibiron na súa clase, có gaio do día da árbore, nada máis e nada menos que ás primas de Indiana Jones, que lles mostraron todos os tesouros que se podían atopar no bosque.

APRENDENDO A CIRCULAR

Os nenos e as nenas de terceiro e cuarto fomos ao "Parque de educación vial" en Barallobre. Unha vez alí dividíronnos en dous grupos: un grupo asistía a clases teóricas mentres o outro recibía clases prácticas nas pistas do parque.
Aprendimos os tipos de sinais e vimos videos sobre o comportamento correcto cando somos peóns ou conductores e conductoras.
Unha das partes máis divertidas foi ver ao mestre Balado montadio nun kart eléctrico. Nós puidemos montar en varios vehículos: patinetes, karts de dous pasaxeiros, karts individuais, bicicletas, karts eléctricos, ...
Voltamos andando ao cole e día máis tarde recibimos un diploma.
Foi un díaproveitoso e divertido.

(TRABALLO FEITO POLO ALUMNADO DE 4ºA)

CONTACONTOS KALANDRAKA

Tamén recibimos a visita duns contacontos que nos contaron e cantaron varios contos da editorial Kalandraka

DÍA DA ÁRBORE

O 27 de marzo pasado, todos os nenos e as nenas de primaria celebramos o día da árbore facendo unha plantación de árbores xunto cos demais colexios da comarca.

O sapo Martiño

Vero e Gelo viñeron a contarnos a historia do sapo Martiño, un pequeno sapo que estaba namorado da lúa ...
Ao final a cousa rematou en voda ... co noso alumnado exercendo de padriños e madriñas.

Leandro Lamas

Os pequenos e pequenas de educación infantil recibiron a visita do pintor Leandro Lamas.

Leandro compartiu con todo o pequeno alumnado o seu modo de pintar, e incluso deixou algún agasallo ...

Máis fotos

Cun pouco de retraso, unhas fotos do Entroido

I CONCURSO DE POESÍA DO CÍRCULO DE PERLÍO

No primeiro concurso de poesía organizado polo círculo de Perlío, o noso alumnado obtivo varios premios. Noraboa a todas e todos!

CATEGORÍA INFANTIL:

1º premio: Sarai Picos Suárez
2º premio: Sara Díaz Otero
3º premio: Noelia Fornos Alvariño

CATEGORÍA XUVENIL:

2º premio: Silvia Iglesias
3º premio: Compartido entre Andrea Chao Fernández e Christian Fonticoba Balado

ATLETISMO DIVERTIDO

O pasado 30 de marzo xuntámonos para facer deporte na xornada de atletismo divertido que se celebrou no polideportivo da Xunqueira.